Azad Panchi – آزاد پنچھی

آزاد پنچھی

آزاد پنچھی اپنی آوارگی سے تنگ اس آزادی کو اپنے لیے کہیں سب سے بڑا عذاب تو سمجھنے نہیں لگ جاتا۔
اسی عذاب یا شعور کے اجاگر پر اس کی ہمت ایک نئی اڑان بھرنے کو نہ تو بے تاب رہتی ہے اور نہ ہی توانا۔اب یہ پنچھی ہلکان اور اپنے زخموں سے چور صرف آرام کی طلب میں پڑا نظر آتا ہے ۔
ان کے گھروندوں میں آنے والے طوفان نے سب کو زخمی کر چھوڑا ہوتا ہے۔سب اپنے اپنے زخموں کو لیے ادھر ادھر بکھرے پڑے ہوتے ہیں۔
پھر ان میں سب سے مضبوط اور سب سے ہمدرد جس کے زخم باقیوں سے کہیں گہرے تو نہیں ہوتے،لیکن اب اس کو ان سب زخموں کے ساتھ رہنے کا ہنر آگیا ہوتا ہے۔اور وہ جانتا ہے کہ ان زخموں کو بھرا کیسے جانا ہے۔
اٹھ کر باقیوں کو باری باری دیکھتا ہے۔
کچھ کے مرنے پر وہ افسردہ بھی ہوجاتا ہے اور کچھ کو وہ محفوظ مقام تک پہنچانے کی کوشش میں لگ جاتا ہے۔
جانداروں کے اندر اس خصلت کا اثر انسانوں کی فطرت میں چلا گیا ہے۔
اب وہ پنچھی اپنے زخمی ساتھی کو دن رات دانہ لاکر اس کی بھوک پیاس کی ضرورت کو پوری کرتا ہے،اور پھر آخر میں ایک دن ایسا آتا ہے کہ اس کے سارے ساتھی پھر سے پرواز بھرنے کو تیار ہوجاتے ہیں۔
اب کچھ کی پرواز تو پہلے سے کہیں اونچی اور بے خوف و خطر ہوجاتی ہے،اور کچھ کے اندر یہ وہم اور ڈر گھر کر جاتا ہے کہ ان کے پر کمزوری کے باعث اب ویسے پرواز نہیں کر پائیں گئے!
گویا وہ آزادی یا ان کو اور شیر بنا دیتی ہے،
یا پھر ایک نئے انداز کا بزدل۔۔۔!
ناول آزاد پنچھی ‘ سے اقتباس
مدیحہ ضرار